Amerlanerit ingerlariaqqiffiusumik ilinniarfimmik naammassipput
2016-imi Kalaallit Nunaanni aammalu Kalaallit Nunaata avataani 268-t ingerlariaqqiffiusumik ilinniarfinni naammassisimapput. Agguaqatigiissillugit 49 procentiullutik annertunerpaat inuussutissarsiutigalugu bacheloriusimapput, naammassisulli tamatigut sisamaat ingerlariaqqiffiusumik inuussutissarsiornermi ilinniarfinni sivikinnerusuneersimallutik.
Titartagaq 3.1. 2006-imit 2016-imut naammassisut, ilinniakkat qaffasissusaannut agguaallugit
Najoqqutaq: Naatsorsueqqissaartarfik- Kisitsisaataasivimmi kisitsisit takukkit (http://bank.stat.gl/UDNISC11D).
Kalaallit Nunaanni katillugit 172-it ingerlariaqqiffiusumik ilinniarfinni naammassipput. Ataani takutinneqarpoq Kalaallit Nunaanni ilinniarfinnut agguaanneri.
Takussutissaq 3.1. 2016-imi ingerlariaqqiffiusumik ilinniarfinni naammassisut amerlassusaat, qaffasissuseq aammalu Kalaallit Nunaanni ilinniarfiit malillugit
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNISC11H).
Ilinniarnerit naammassineqartut 61 procentii Ilisimatusarfimminngaanneerput. Ilinniarfiit qaffasissusaanni agguaqatigiissillugu inuussutissarsiutigalugu bachelorit (professionsbachelorer) 64 procentiullutik annertunerpaapput, ilinniarfinnilu Ilisimatusarfimmi aammalu Perorsaanermik Ilinniarfimmi agguataarsimallutik.
Titartagaq 3.2. 2016-imi Kalaallit Nunaanni ilinniarnerit naammassineqartut, ilinniakkat suunerinut agguaallugit
Najoqqutaq: Naatsorsueqqissaartarfik- Kisitsisaataasivimmi kisitsisit takukkit (http://bank.stat.gl/UDNISC11H).
Kalaallit Nunaanni ingerlariaqqiffiusumik naammassisut 34 procentiullutik amerlanersaat ilinniarnermiipput. Tassunga ilaapput soorlu meeqqat atuarfiini ilinniartitsisut. 27 procentit Peqqinneq aammalu atugarissarnermiipput,tassunga ilaapput peqqissaasut aammalu perorsaasut.
Ataatsimut isigalugu
Piffissami 2012-mit 2016-imut Kalaallit Nunaanni ingerlariaqqiffiusumik ilinniarfinni ilinniarnerit naammassineqartut katillugit 715-iusimapput. 2016-imi ilinniakkamik aallartitsisut, ilinniakkanik ingerlatsisut aamma ilinniakkamik naammassinnittut 2015-imut sanilliullugit ikilerialaarsimapput. Piffissami tassani ilinniakkamik unitsitsiinnartut amerlisimapput